黃秋生、吳卓羲(Ron)、艾威、林熹瞳及邵音音等，今日喺吉隆坡出席大馬藝人周雲冰(Giselle)於馬來西亞創辦嘅娛樂電影公司凱優影視開幕，兼電影《一起走過的日子》記者會，馬來西亞公主沙拉胡汀阿都阿茲沙，及多位拿督都有出席。 由周雲冰自編、導、演嘅愛情電影《一起走過的日子》，搵吳卓羲主演，二人喺戲中飾演情侶有親熱戲，Ron表示之前唔識Giselle，但拍親熱絶不尷尬，Ron話：「第一次嚟大馬拍戲，不過唔使講馬拉話，拍完會配音。」Giselle表示睇過好多Ron嘅演出，指吳卓羲喺馬拉好「入屋」，所以指明要搵Ron演出，對於會唔會加重親熱戲，Ron笑言：「可能我要加呢。」
